MABAGAL ang naging daloy ng iskor ng bawat koponan sa unang kwarter ng laro kung saan sila ay nagpalitan lamang ng puntos at nagtala ng 6-6.

UMABANTE naman ang EUC Jaguars sa ikalawang kanto at nagpakitang gilas matapos magbigay ng limang puntos na agwat kontra Academy, kanilang isinara ang pangalawang kwarter nang may iskor na 23-18.

INUNGUSANG muli ng pambato ng Enverga ang kanilang katunggali kung saan sila'y nagpamalas ng lakas at dinomina ang ikatlong kwarter sa puntos na 39-32.

TULUYAN nang inangkin ng EUC Jaguars ang kampeonato at pinataob ang koponan ng TWA matapos nilang tambakan ang kalaban, 60-38 sa pagtatapos ng laro.

PINANGUNAHAN ng kambal na sina Kyle De Chavez at Kian De Chavez ang mga nakabibilib na atake ng Jaguars at nangolekta ng puntos na 21 at 19, ayon sa pagkakasunod.

 

ulat ni Rhian Denise Marasigan | Ang Siklab

likhang sining ni Kairo Galarce | Ang Siklab

photo courtesy of Junior Photographers’ Guild