Umarangkada ang Jaguars nang kumana sila ng siyam na puntos na kalamangan sa unang kwarter pa lamang ng bakbakan, pinangunahan ni Rodriguez na nagtala ng siyam na puntos, 20-11.

Humugot ng mabagsik na siyam na puntos si Kyle De Chavez na hindi kayang masuklian ng Crusaders sa ikalawang yugto ng laban, na nagbigay-daan upang mailagay nila ang kanilang koponan sa komportableng lamang, 37-21.

Ipinamalas ng buong grupo ng EUC ang kanilang talas sa parehas na dulo ng entablado nang isang beses lamang nilang pinabutas ang TLMII habang tuloy-tuloy pa rin ang kanilang pagdomina sa opensa sa buong ikatlong bahagi ng laro, 64-23.

Ipinako ng Jaguars ang Crusaders nang nagpakitang gilas si Calleja na bumanat ng siyam na puntos gamit ang kanyang madulas na pag-atake sa huling bahagi ng laban, na tuluyan nang ibinanat ang kanilang pagkaagwat sa 60 na puntos, 85-25.

ulat ni Terence Miguel Aro | Ang Siklab

mga litratong kuha nina Ainsley Tiffany Alcantara at Terence Miguel Aro | Ang Siklab